رسالة من صدام الى سجودة

**

رسالة من السجن بسمـﭻ يسجـوده

من صدام رجلـﭻ بيها موعــــــــوده

(1)

من صدام رجـلـﭻ بالسجن من صاح بعـد لا موز اشوفن لا ﮔــــــشر تفاح

وخبزوني خبز نعـلعـله ابو طـــلفاح وعـﮔـب ذاك الخبز سووّني مثروده

(2)

عـﮔـب ذاك الخبز تزورﮒ عـيوني

وبصبحه ولـﭻ ﮔـاموا  يعـّــــــيروني

ومن حفرة لحفرة بسجن خـــــلـوني

وشبابيـﭼـه عــــــليه وبابه مسدوده

(3)

وشبابيـﭼـه عـليه وغـلـﮔـوا بابه

ومثل الشاة صاير بين الذيابــــه

تنهش وآنه اصيح بصـوت يا يابه

والرﭼـلين وي الايد مشـــــــــدوده

(4)

الرﭼـلين ويه الايد ربطـــــوهــه

  واللحيه سحـــل للـﮔـاع مطـوهــه

ما اﮔـدر اﮔـولن وين حـطــــــوهـــه

وخـــــــــــلـوني اســبل مثل القــروده

(5)

خــــــلوني اسبل والاسبال اسبال

ومـﭼـتف اﭼـتاف وربطـوني احبال

شوصفلـﭻ بعــد بالسجن هذا الحال

ومـــــــــــــــربع عـليه لعـبوا بجــوده

(6)

ومربع عـــــــليه الدنية دارت ليش

لا حراس عـندي ولا اقود الجيش

 ﭼـنت ريس وصاحوا عليّ يا ابو اجحيش

لاغــنوة  بعـُدي لا حــــــله ورغــوده

(7)

لا غـنوة بحله اسمعها تطربني

والسجان طـبـعـه صار يظربني

ﮔـوم ابقـشمر وبيها يـﮔـعـدني

وبطاله الكراسي صارت المـــــوده

(8)

وبطاله الكراسي واﮔـعـد اعـليهــه

وآنـه اللي جـبت وعـذبـت بيهــه

اذا اولها هذا اشلون تاليــهـه

والتالي صعـب باين من احدوده

(9)

والتالي صعـب باين من العـنوان

صفـيت ابسجن آنه وانتي بالبلدان

ساعـة ابمصر ساعـة بكتر من لبنان

منـﭻ  ايســت ما بيـﭻ كل فـوده

(10)

منـﭻ ايســت ولظـنتي ﮔـطـعـيت

كلشي ما شفت منـﭻ ولا سمــعـيت

آنه ادري المصيبـه شارت اهل البيت

بيه بيـــنـت هالشـــاره مشـهــــــوده

********