السرطان اشتكى من
برْزان
ارنوبي الكسلان
السرطان اشتكى من برزان
كال آني انعديت بلا ذنب
هل برزان ابن الجلب
جرثوم فوق العاده
جرثوم ينخر بالحجر والانسان
مكيروب اسمه برزان
*******
برزان طالع من رحم سعلوّه
زاعته الحية وأصله نطفة ثعبان
عقرب ابهيأة انسان
حيوان ! لا موانسان
قاتل بشر بالتيزاب
حارق اكلوب الامهات
بقتل اغلى الشباب
بلا محكمه
يعدم الناس بلا- احساب
واليوم يكتب مرحمه
للجعفري
حسباله يكدر يرحمه
ويتوسل بكاكه حمه !
لا الجعفري ولا كاكه
ايلوث اسمه بيك ويقرر قرار
ايكعّدك بالجنه
وشعب العراقي ايكابد الانفجار
كل يوم محروك بنار
لا الجعفري ولا كاكه
ايوكل لك حكاكه
بس بوش وحده لو ايريد
ايضوّكك من ذاك َ
*******
برزان تاريخ النميمة
و( الامن ) والاجرام
الزمن جابك بالقفص
وامهيأك للاعدام
ليش انت تعدم بالبشر
وما اتضوك حبل المشنقه
ليش الدموع بكل عين
ليش انت وحدك الشمر
وكلهه احسين !
وليش انت وحدك تنشمل بالشفقه
والناس كلهه اتمرضت واتشردت واتسجنت واتقتلت واتذوبت واتمرمرت واتصوبت
واتعوقت
واتخبلت !
جا – ليش وحدك ياسليل الاجرام
تطلب على ( ازبيبَكْ ) جرس !
ياسرطان وياجذام ويابرص
ياحية طلعت من تحت ( صبحه ) ملََصْ
احسنلك ابقه بالقفص
لمن يجيك الاعدام
ياخويه اصبرعلى الشدة
وتنشنق هليّام !
ولاتنسه تشرب الدوه
وبول ونام !
///////////////////
