قصيدتان

( مرّات -  وجه عتاب

       ( وجه اعتاب )

 

يا يگلبي

هم بعدك درس

ماله معلّم أو دفترك مفروط

جرس متعلّگ بهَوْية

لا عِتبة ا لتشبهك لا يشبهك باب ؟

ﭼا ليش بس انت ا ليعرفك طِلع

والمايعرفك طاب ؟

تعلّگ  بثوبك رصيف امشيت

لبّالك نثاية ترا ﮔصن با لطيب

لهب جدم النثاية او خطواتهن تيزا ب

ضبّيت بيبان السَلف كلها شلعتها وياك

وا شتلت بغربتك شارعك بيبان

تدثرت بخطوتك والدرب وحشة ناب

وتمشي يلمالك درس يقرا ك

تمشي امفرفط او ورد الوفة بيمناك

لاانت اململم بروحك

ولا انت حرف قاريه وجه اعتاب .

 

              ( مرّا ت )

 

مرّا ت يرضرضني  ا لحلم

واتوسّد ضلوعة

ومرّا ت يعطشني ا لجفن ،،،،،

ويشربني ا لحلم ومضة على دموعه

ومرّا ت اذَوْب اليمكن ا بّهداي

ومثل صفنة يتيم يفرّ ممكني مفزوع

لبّا له مشى وعنوا نه با لروحات

تكبر فزعته وممشاه برجوعه

 

ومرّا ت اهدّ العمر

سفرة امشكبنة بهيها ت

يشد حيله اعلى حيلي ا لصبر مابيه صوت

ويگلهن هِشّ لا تنوحن حيل

وحشة الهجران ويّة الريح توسع

وأ رض الله نميمة وتشمت بلوعة

جوعان ا لصبر والحيف مابي حيل

يعجنّي  بمراري ويخبز ا لجوعة

 

ومرّا ت كاروك الوفة يهزني

وما بين هزّة وهزّة شفت ا سنين

شيّبها الخرَس وشموعهن مُوَعة

 

ومرّات ....

واثاريني ترست سلاّت مَرّاتي

تفّا حي صفنتي وبرتقالي هموم

وبعت روحي وسمت وا نتظر شرّاي

حسافة ا ومَدري شروة روح مرجوعة .